На својата 10-та седница одржана на 25 мај 2021, Државниот совет одржа тематска расправа во однос на новините содржани во Законот за спречување и заштита од насилство врз жените и семејното насилство од 2021 година, којшто започна да се применува во мај 2021 година.
На расправата беше поканета г-ца Маја Балшиќеска од Националната мрежа против насилство врз жени и семејно насилство.
Се разви богата дискусија во однос на новопредложените решенија, аспектите поврзани со начелото „должно внимание“ и можноста жртвата да бара судска заштита пред граѓански суд доколку некој од вклучените органи не постапувал согласно ова начело, но и третирањето на насилството како облик на дискриминација.
Посебен акцент беше ставен врз заштитата што овој закон ја овозможува за децата, при што посебно се нагласи дека заштитата се однесува и на девојчињата и на момчињата до 18 годишна возраст.
Дискусијата заврши со анализа на можностите за реинтеграција на жртвата врз основа на пет столбови: поддржано домување; долгогодишна финансиска помош; психо-социијално советување; образование и стручно оспособување; и економско зајакнување и менторско кариерно вклучување на пазарот на трудот.
Линкови до изданија на Националната мрежа против насилство врз жени и семејно насилство
– Анализа на економските предизвици со кои се соочуваат жени жртви на насилство откако ја напуштиле насилната средина
– Предлог модел за реинтеграција и рехабилитација на жени жртви на семејно насилство
– Базично истражување: постоечки сервиси за реинтеграција на жени жртви во Р. Северна Македонија тука
– Базична студија: Задоволство на жени жртви како кориснички на услугите на Центрите за социјална работа тука
– Препораки за унапредување на можностите за вработување на жени жртви на насилство
– Што по донесување на новиот Закон за насилство врз жени и семејно насилство?
– Препораки за справување со насилство врз жените и семејно насилство во Западен Балкан за време и по здравствената криза со КОВИД-19
– Поднесок за тематски извештај на UN SRVAW за силувањето како сериозно и систематско кршење на човековите права и родово засновано насилство врз жените
